Afmælishátíð í Fjölskyldu- og húsdýragarðinum 18. júlí

Það verður húllumhæ í Fjölskyldu- og húsdýragarðinum laugardaginn 18.júlí þegar Söngvaborg fagnar 15 ára afmæli sínu auk þess sem Fjölskyldu- og húsdýragarðurinn fagnar 25 ára afmæli.

Af því tilefni sendir Bylgjan beint út frá garðinum frá kl. 12:20 til 16:00. Emmess ís ætlar að gefa gestum ís, Joe & the Juice verða á staðnum, ískalt Mix í boði og Ali ætlar að grilla góðgæti ofan í mannskapinn.
Andlitsmálun, hestateymingar, kanínuklapp og blöðrur.

Klukkan 14:00 hefst skemmtidagskrá á sviði þar sem Söngvaborg mun skemmta gestum auk atriða úr Iceland got Talent.

Þá verða leiktæki opin og dýrin í góðum gír og þeim gefið samkvæmt dagskrá.

Afmælistilboð í Fjölskyldu- og húsdýragarðinn:

Veittur verður 40% afsláttur af dagpössum og aðgangseyri í tilefni dagsins. Söngvaborgardiskarnir verða á sérstöku afmælisverði.

By | 2015-07-16T13:24:56+00:00 July 15th, 2015|Söngvaborg, Viðburðir|Comments Off on Afmælishátíð í Fjölskyldu- og húsdýragarðinum 18. júlí

About the Author: